▲纽子糖 摄于闵行北桥安乐村
随着全球交流个深入，弱势语拨强势语替代，语言文化资源走向消亡已经成为世界性问题。就我国来讲，国家通用语言文字个普及，一方面极大便利了全国范围个交流，还一方面也导致弱势语逐步消亡，语言文化景观趋向单一。
从人个本性来讲，对语言交流便捷性个追求，大于对语言景观多样性个追求，放弃弱势语而朝强势语靠拢个趋势像啥不太会发生根本性个改变，但可以利用好现存个语言资源来为国家发展战略服务。
我国推广个普通话，以北京语音为标准音。从交流沟通个角度来讲，大家都使用同一个地点方言个音系，无疑是便捷个。但从文化传承个角度来讲，第个是汉语个沧海一粟，光一个地点方言显然无法承担起整个民族文化传承个重任。各个地域个现代汉语侪勿同程度地继承了古汉语个遗产。比如经常强调个“讲普通话要分平翘舌音忒前后鼻音”，反映个就是古代这两组字有区别个格局，在北京语音中保留着。第排特征，在上海语音中已经消失，两组字侪已经合并。但上海语音分清音、浊音，分舒声、入声，第排特征在北京语音里也已消失，两组字也已合并。如果京沪两地个现代汉语侪能持续存在，葛末伲始终能够看到古汉语区分平翘舌、前后鼻、清浊音、舒入声个更为完整个格局。若然只有北京语音得以存续，葛末传承有限个一部分语言遗产，第个对于伲个文化软实力是勿利个。
中华诗词，是伲特别引以为傲个文化瑰宝。但遗憾个是，长期以来，伲对诗词个品鉴，普遍停留在思想内容方面，而对古代极有讲究个平仄，始终鲜有触及，第个是片面强调推广北京语音个一个副作用——因为在北京语音中，由于古代短促个入声调分派到各种舒声调中侪有，平仄格局已经打乱脱嘚，自然很难判定平仄，而交关诗词传承活动中却又要求只能使用北京语音来展示，第个轧实进一步阻断了平仄个传承。
在现代汉语里，山西忒周边一些区域，以及从江淮开始往南个东南广大地区，仍然保留着古汉语中短促个入声，也就意味着，可以通过第排区域个语音拿入声字抓出来，判定为仄声。剩下个就是古代声调舒长个字，再用北京语音念，第一第二声即平声，第三第四声即仄声。通过两地配合判定一个汉字属于平声还是仄声。
轧实，在第排区域中，相当一部分地方个语音仍然保持着完整个平仄格局，用当地汉语语音一步到位就可以念出平仄。一旦第排地区个汉语资源失传，也就意味着中国境内蛮难再有人能够直接用活语言判定平仄了，也就蛮难再完整个考察诗词格律了。甚至，一排北京语音已不再押韵个韵脚，也没有其他地点个语音来弥补了。
葛咾，抢救语言资源，或者至少让人们认识着第排即将消失个语言资源对于中华文化个意义，是一件迫在眉睫个事。如今不少地方开展了乡音保护个活动，但往往带有孤立性，只强调了家乡情怀、地方特色，没有认识到各地汉语之间个内在联系，缺乏共同源自古汉语个树形概念，未能与诗词格律相联系，未能担乡土文化传承上升到民族文化传承个高度。作兴可以在第排方面加强宣传与引导。
如果中国本土丰富多彩个汉语资源消亡，有排问题恐怕不得不参考朝韩日越个汉字音来协助传承，多少有眼遗憾。朝韩日越汉字音，是汉语域外方音，是古汉语长期对外影响个结果，是古代华夏国力强大个见证。交关人疑惑：“哪能感觉日语、韩语像某些汉语方言？”轧实就是这个道理，只是人们普遍没有“域外方音”个概念。若然顺势对此宣传、普及，对于加强我国与周边个交流与团结，强化以我中华为核心个汉字文化圈，提高国民个文化自信有积极意义，并有利于联合周边形成更强个力量与英美语言文化展开竞争。
更上一层，语言文化资源保护与开发，有利于开展对于整个汉藏语系分布区个文化团结工作。汉语与藏语、壮语、苗语、瑶语、彝语、缅甸语、泰语等等广布于东亚、南亚、东南亚个交关语言是同一个源头分化出来个亲属语言，互相之间有交关对应关系，在各地丰富个汉语资源中可以寻着交关对应点。普及汉藏语系个概念，既有利于巩固国内民族之间个紧密联系，又有利于通过语言亲属关系对周边国家开展工作。
笔者本人是上海广播电视台《掌上观文》、《南北古音品诗词》等节目个主讲人，我伲对于上述理念已经进行了一排初步个尝试：
讲解诗词个辰光，在判定平仄方面，通常使用完整保留古代平仄格局个现代汉语上海西部语音一步到位读出来，或者使用北京语音配合上海城区语音两步定位判断平仄。甚至用域外方音越南语汉字音判平仄，忒我伲本土方音做出来个结果一致，深刻反映了古代中国强大个影响力。但若然我伲中国本土判平仄个能力失传了，第方面个话语权可能会拨越南掌握。
在韵脚方面，一排北京语音已经勿大押韵个诗词，我伲使用上海语音来弥补，重现古代个押韵格局，譬如《咏鹅》鹅歌波（u）、《示儿》空同翁（ong）、《九月九日忆山东兄弟》亲人（in）、《江南曲》期儿（i）、《左掖梨花》衣飞（i）……
同时指出造字时代个谐声关系：“我”是“俄鹅娥饿”个声旁，上海语音侪是ngu；“公”是“翁”个声旁，上海语音侪是ong韵母；“儿（兒）”是“倪鲵霓”个声旁，上海语音侪是ni……
然后以此联系亲属语言忒借用语言：比如藏语忒浙江一排地区一样“我”念nga，和上海语音ngu声母仍然相同。江浙沪一块“二”接近古音读ni，藏语、彝语、傈僳语、纳西语、缅甸语等亲属语言忒日语、越南语等借用语言也保留类似发音。引导人们认识着一排语言现象个普遍性、语言之间个联系性，从而开阔视野、提高格局，加强对中华语言文化资源个挖掘，加深对中华语言文化资源个认识，以广泛个民众基础将整个汉藏语系分布区忒辐射区紧密地联系起来，形成合力，共同应对英美语言文化个竞争。